Zevio, prima de disembre.

Semo ‘rivai ormai in inverno, quando l’erba no l’è più massa verde, fa freddo ma per fortuna gh’è sempre la pasion col vin caldo e la pearà de domenega.

Anco’ e doman i zuga i buteleti e anca i butei de Gibellini, che i se ciama ‘desso juniores.
Insomma i più grandi i zuga col Porto de Legnago ch’el ga  istessi punti de noaltri, diese. Sarà ‘na partia da vedar tuta parchè l’è importante vinsar par restar coi meio. Zughè ben senza spacarve le cauccie.

I buteleti de Piasere iè proprio brai, iè primi e doman i zuga a Zevio con quei de San Bonifacio, sperem che i resta ancora primi. E invese quei de Bertassello i va fora, i zuga a Colognola, par dimostar che iè quasi mauri per el prosimo ano.

I buteleti più zovani, i li ciama Giovanissimi, i zuga tuti e do’ fora de casa.
Quei de Dian i va a Isola Rizza magari par vinsar, ma staria ben anca un pari. Ma se vinsemo, podaria darse che saren primi, l’è assè importante.
I butelei piassè zovani de Bagolin, el se ciama proprio così no l’è dialeto, i va a Cerea, sperem che i no trova la nebia e che i fassa ben.

Mi spero che i vinsa tuti, ma le savem tuti che el balon l’è rotondo. Forsa el Zevio!

Giorgio Scandola

 

 

 

Leave a comment